对话
(林子祥 蔡立儿)
作曲：Blow/Mathe 作词：陈少琪 编曲：-
（林）
CHERRY！怎你今朝又咁迟
系咪又等唔到巴士？
定话要睇牙医？
点解你头发好似鬈咗啲？
块面就红卜卜系咪搽咗胭胝？
十足十好似嗰个荻野目洋子！
点解你可以搽到啲手指
全部红橙黄绿青蓝紫？
有点解带住咁多古灵精怪嘅戒指？
系咪十八岁未够就已经成咗婚事？
系咪以为咁样做就会突出啲？
你咪成日挂住搵罗曼史
最怕就识咗出面嗰啲坏嘅男孩子
你讲句LOVE YOU BABY BABY就会有BB
到你做错咗事你就会恨迟
女孩子要矜持学下礼义廉耻
乖乖哋勤力啲 咁至得人锺意！
（这一串日子，青春有一串心事）
你有嘢要话我知！
(这一串日子，必需要相信老师）
你要照我嘅意思！
（蔡）
你净系识得当我系小孩子
其实我并唔系你念得咁无知
返学嘅日子要搏命考试
生命除此简直白过白纸
你就对我讲莫负少年时
从来冇去了解我嘅心思
你咪以为我想学小说故事
日夜追寻浪漫揾白马王子
只系有个BOYFRIEND 会开心的啫
可以听我讲吓我嘅心事
我哋生长喺呢个大城市
变好定变坏根本冇定义
一切都系由大人嚟话晒事嘅
其实你哋都会奸险同自私
书本话努力就有好日子喎
世界系咪咁理想我都好怀疑
（这一串日子，不可压迫我心事）
你咪当我系三文治！
（这一串日子，不可以一切告知）
我有我嘅意思！
（林）
我既然做得你嘅老师
就要看管你嘅言行举止
但系我都明白成长嘅意旨
面对千种引诱实在好难支持
（蔡）
我都知你嘅责任无法停止
要顾住校长又要对住同事
要顾住老婆又要顾住儿子
日日氹氹转好似地球仪
（林）
我细个嗰阵时都好百厌无知
但系日子一过好快就成为历史
（蔡）
大人都可以玩得好放肆咖
唱吓卡拉OK可以落吓D
（林）
呢啲咁嘅玩意绝对唔益智
（蔡）
不如今日放假我哋再倾耐啲
（林）
我请你锯扒以后你就要乖啲
（蔡）
你落唔落后啲呀而家兴食寿司
*（这一串日子，开解了一切心事
大家都开心啲
这一个日子找到了心里拍子）*
